Yvirtaka Høgaberg um tvær vikur

Møguleiki er fyri, at skipið fer til fiskiskap, áðrenn tað kemur til Føroya

Mynd: Skip og bátar í Føroyum

Tær seinastu smájusteringarnar verða nú gjørdar, og so er klárt at taka móti nýggja Høgaberg. 

Tað sigur Anfinn Olsen, reiðari í Framherja, sum letur skipið byggja.

Nýggjasta uppsjóvarskipið í flotanum liggur í løtuni á Karstensens skipasmiðjuni í Skaagen, har tað júst hevur verið tekniskan royndartúr.

Tað gekk so mikið væl, at reiðarin metir, at tað ganga í mesta lagi tvær vikur, til skipið er klárt at yvirtaka. 

Kostar 339 milliónir

Óvist er tó nær skipið kemur til Føroyar, tí tað kann vera, at tað fyrst fer til fiskiskap. 

- Vit hava báðar møguleikar opnar, sigur Anfinn Olsen. 

Skipið kostar umleið 330 milliónir krónur.

Nýggi Høgaberg er serliga gjørdur til at fiska makrel, sild og svartkjaft.

---

Tíðindabræv

Trýst á knøttin og melda teg til okkara tíðindabræv

Kelda: KVF.fo

Fylg Facebook #'s:

#BlueFaroeIslands #Sjóvinnuforum

Fylg LinkedIn #'s:

#BlueFaroeIslands #Sjóvinnuforum