TÓRSHAVNAR HAVN | Stórur áhugi fyri skúrum í Álakeri

Jan 81 min read

So mikið stórur áhugi er fyri skúrum til smábátaeigarar, at neyðugt var við lutakasti, ímillum tey, sum høvdu skrivað seg upp til størru skúrarnar við bátahylin í Álakeri.

15 tey fyrstu, ið vórðu tikin upp úr bollanum, fáa nú møguleikan at leiga sær skúr. Hini sjey, ið vóru eftir, eru øll komin á bíðilista.

Nú eru samanlagt 94 skúrar til smábátaeigarar í Tórshavnar kommunu. 51 á Argjum og 43 í Álakeri. Fyri at fáa møguleika at leiga ein skúr, krevst, at viðkomandi hevur smábátapláss.

Nýggj reglugerð fyri skúrar til smábátar

Á seinasta býráðsfundi í fjør 2024, samtykti býráðið nýggja reglugerð fyri skúrar til smábátar. Í nýggju reglugerðini er millum annað broyting í leiguprísinum fyri skúrarnar. Leigan er nú 2.800 krónur um árið fyri skúrar í støddini 4 m2 og 4.200 um árið fyri skúrar í støddini 6 m2. Á Argjum eru 51 skúrar, og hesir eru eisini fevndir av nýggju reglugerðini og broyttu prísunum.

Sí reglugerðina her.