TÍÐINDI | Sleppa eisini á Føroyabanka í ár

Útróðrarbátarnir fáa lutfalsliga fleiri dagar, og línuskip fáa lutfalsliga færri dagar

(Mynd 📸 KVF.fo)

Línuskip og útróðrarbátar sleppa eisini at royna á Føroyabanka í ár.

Dennis Holm, landsstýrismaður, hevur sent uppskot um kunngerð um tíðaravmarkaða serskipan fyri at fiska botnfisk á Føroyabanka til hoyringar.

Skipanin er broytt sammett við 2022.

Fiskidagarnir býttir øðrvísi

Fiskidagarnir vera býttir øðrvísi millum bólkarnar enn í fjør.

Útróðrarbátarnir fáa lutfalsliga fleiri dagar, og línuskip fáa lutfalsliga færri dagar.

Ásett verður, at línuskip bara kunnu royna á Føroyabanka eftir hálvan august.

Skipanin fyri útróðrarbátarnar undir 15 tons í bólki 5 er eisini broytt í uppskotinum.

Í ár sleppa bara teir vinnuliga virknastu bátarnir á Bankan.

Avreiða fyri hálva millión

Fyri at fáa loyvi, skal báturin hava avreitt fyri 500.000 kr. ella meira í minst eitt av seinastu trimum árunum.

Í fjør fiskaðu útróðrarbátar undir 15 tons av felags fiskidøgum uttan avmarkingar.

Hetta verður nú broytt soleiðis, at eitt hámark verður sett fyri hvønn bátin.

Seljast á uppboðssølu

Sum nakað nýtt verður ásett, at øll veiða av Føroyabanka skal seljast um góðkenda uppboðssølu í Føroyum.

Hetta verður gjørt, sigur Fiskimálaráðið, fyri at fiskavirkini í Føroyum skulu fáa fiskin.

Sambært uppskotinum um kunngerð eru 330 fiskidagar á Føroyabanka í ár.

Havstovan mælir til 200 dagar.

---

Tíðindabræv

Trýst á knøttin og melda teg til okkara tíðindabræv

Kelda: KVF.fo

Fylg Facebook #'s:

#BlueFaroeIslands #Sjóvinnuforum #Tíðindi

Fylg LinkedIn #'s:

#BlueFaroeIslands #Sjóvinnuforum #Tíðindi