TÍÐINDI | NATO-flotavenjing norðanfyri

Árligu NATO-flotavenjingin, Dynamic Mongoose, er í hesum døgum norðan fyri Føroyar.

(Mynd 📸 KVF.fo)

Undir venjingini koma krígsskip eisini í føroyskt sjóøki at gera samskipandi siglingar-, flog- og leitivenjingar. Talan er um eina antikavbátavenjing, ið hevur til endamáls at vísa og samstundis styrkja evnini hjá NATO sum verjusamgongu at standa ímóti hóttanum frá kavbátum, ið koma norðanífrá.

Tað skrivar Uttanríkis- og Vinnumálaráðið um NATO-venjingina.

Tilsamans 14 skip, fýra kavbátar og seks flogfør eru við í venjingini. Tey eru úr USA, Bretlandi, Póllandi, Niðurlondum, Spania, Portugal, Norra, Íslandi, Danmark, Kanada, Fraklandi og Føroyum. Brimil tekur lut og fylgir venjingini, meðan vant verður við Føroyar.

Hetta er annað árið á rað, at Dynamic Mongoose-venjingin fer fram við Føroyar. Venjingin tekur 14 dagar.

---

Tíðindabræv

Trýst á knøttin og melda teg til okkara tíðindabræv

Kelda: KVF.fo

Fylg Facebook #'s:

#BlueFaroeIslands #Sjóvinnuforum #Tíðindi

Fylg LinkedIn #'s:

#BlueFaroeIslands #Sjóvinnuforum #Tíðindi