Jun 14, 20231 min read

TÍÐINDI | Løgtingið viðger tiltøk móti Russlandi í dag

Samgongan í uttanlandsnevndini tekur við, at landsstýrið skal ikki í løgtingið við tiltøkum móti Russlandi og Hvítarusslandi, men andstøðan vil varðveita verandi lóg

(Mynd 📸 KVF.fo)

Í dag fer løgtingið at viðgera uppskotið um heimild landsstýrisins at seta í verk tiltøk móti Russlandi.

Meirilutin í uttanlandsnevndini, nevndarlimirnir hjá samgonguni, taka undir við, at landsstýrið skal ikki í løgtingið við ætlaðum tiltøkum móti Russlandi og Hvítarusslandi.

Tað eru tiltøk, sum ávirka fiskivinnuavtaluna ella útflutningin av fiskavørum og matvørum.

Uttanríkispolitiskar ósemjur eiga ikki at vera viðgjørdar í løgtinginum, sigur meirilutin.

Tí hevur tað stóran týdning, at so hvørt sum landsstýrismaðurin nýtir víðkaðu heimildina, sum var tikin frá undanfarna landsstýrismanni, tekur meirilutin tað sum eina sjálvfylgju, at landsstýrismaðurin ráðførir seg við uttanlandsnevndina.

Vilja varðveita verandi lóg

Bárður á Steig Nielsen í Sambandsflokkinum og Jacob Vestergaard í Fólkaflokkinum vilja varðveita verandi lóg.

Teir hava tí broytingaruppskot um tað.

Jacob Vestergaard mælir eisini til, at landsstýrismaðurin kann av sínum eintingum avmarka virksemið hjá russiskum fiskiskipum í ávísum havnum.

Bárður av Steig Nielsen mælir eisini til, at landsstýrismaðurin kann seta tiltøk í verk, sum eru í lógini frá í fjør um avmarkandi tiltøk, millum annað handilsavmarkingar.

Jenis av Rana í Miðflokkinum sigur, at hann tekur støðu í tingsalinum.

Tingfundurin er klokkan tíggju, og kann hoyrast á Tingvarpinum HER

Tíðindabræv

Trýst á knøttin og melda teg til okkara tíðindabræv