Jan 3, 20221 min read

TÍÐINDI | Árið í fjør nógv tað besta hjá Sues-veitini

Ever Given stongdi Sues veitina í seks dagar, men kortini sigldu fleiri skip gjøgnum veitina í fjør enn í fyrraárið.

(Mynd 📸 Suez veitin)

Hóast stóra bingjuskipið, Ever Given, stongdi Sues-veitina í næstan eina viku í fjør, so var árið nógv tað besta hjá veitini, skrivar NTB.

Egyptaland, sum eigur Sues-veitina, fekk 6,3 milliardir dollarar, svarandi til 56 milliardir kr., í avgjaldi frá skipum, sum sigldu gjøgnum veitina.

Talan var um ein vøkstur upp á 13 prosentstig samett við 2020, sum átti metið frammanundan, upplýsir Osama Rabie, stjóri í egyptiska felagnum, ið rekur Sues-veitina.

Bingjuskipið, Ever Given, tipti veitina í seks dagar í mars í fjør. Hóast tað, so sigldu 20.694 skip gjøgmum Seus-veitina í fjør samanborið við 18.830 skip í 2020, skrivar NTB.

Tíðindabræv

Trýst á knøttin og melda teg til okkara tíðindabræv