Jun 28, 20212 min read

SENDISTOVA FØROYA Í ÍSRAEL | Vinnuferð til Ísrael 13. til 19. oktober 21' 🛫🌍

Í sambandi við, at Føroyar hava latið upp sendistovu í Ísrael, fyriskipar Uttanríkis- og Mentamálaráðið eina vinnuferð til Ísrael í døgunum 13.-19. oktober. Landsstýrismaðurin í uttanríkis- og mentamálum, Jenis av Rana, luttekur á ferðini.

(Mynd: Uttanríkis- og Mentamálaráðið)

Fyribils skrá fyri vinnuferðina er henda:

13. og 14. oktober vitjar ferðalagið í Tel Aviv. Á skránni í Tel Aviv er hátíðarhald á Sendistovu Føroya, í sambandi við at sendistovan er latin upp. Harumframt verða vinnu- og stovnsvitjanir á skrá. Endamálið við hesum vitjanum er at geva íblástur og vitan um vinnulívið í Ísrael.

Fríggjadag 15. oktober gongur leiðin til Jerusalem. Leygardagur er sabbatur og frídagur, og tá verður møguleiki fyri m.a. rundvísing í Jerusalem.

Sunnudagin, mánadagin og týsdagin fyrrapart, 17.-19. oktober, eru felags tiltøk og business-to-business fundir á skránni. Einstøku fyritøkurnar hava á business-to-business fundunum møguleika fyri at møtast við møguligum framtíðar kundum og samstarvsfeløgum í Ísrael.

Sendistovan í Tel Aviv vil fegin, fyri eitt minni gjald, bjóða føroysku fyritøkunum at finna fram viðkomandi ísraelskar fyritøkur, sum føroyskir luttakarar ynskja at møta og leggja til rættis fundir við hesar.

Ætlanin er, at ferðalagið flýgur beinleiðis úr Føroyum til Ísrael og aftur, treytað av nóg stórari luttøku til ferðina.

Kunnað verður um tilmelding seinni.

*********

Following the opening of the Representation of the Faroe Islands in Israel, we are happy to announce that the Faroese Foreign Minister Jenis av Rana will visit Israel from 13 to 19 October 2021. The Minister will be accompanied by a trade delegation of Faroese businesspeople with the aim of establishing business relations with Israeli counterparts.