Feb 15, 20221 min read

RHF NEVNDARFRÁSØGN | Shippingvinnan í Føroyum

Shipping sum vinnugrein styrkir tann føroyska búskapin - bæði við at økja um útflutningsvirðið og við at skapa ein meira fjølbroyttan arbeiðsmarknað í Føroyum.

- Les nevndarfrásøgnina sum PDF her:

Harafturat er shipping ikki einans tengd at samfelagsgongdini í Føroyum, men í størri mun at gongdini í heimsbúskapinum. Hetta merkir, at stóru konjunktursveiggini, sum javnan merkja føroyska búskapin, kunnu javnast við eini slíkari vinnugrein. Júst tí er týdningarmikið, at dentur verður lagdur á at stimbra shipping sum vinnugrein í Føroyum.

Menningin av føroyska handilsflotanum hevur ført til nýggjar vinnumøguleikar á sjógvi og landi. Hetta er ein sólskinssøga á maritima økinum, har vit við støði í okkara siðbundna styrki hava ment ein framkomnan nýggjan vinnuveg og starvsmøguleikar. FAS-skipanin er grundarlagið undir øllum hesum virksemi, og tí eigur skipanin at mennast, soleiðis at hon framhaldandi kann vera ein týðandi partur av føroyskum vinnulívi.

Fríggjadagin 11. februar 2022 hevði Reiðarafelagið fyri Handilsskip (RFH) aðalfund. Jens Meinhard Rasmussen legði fram ársfrágreiðing felagsins, har hann legði stóran dent á týdningin av eini kappingarførari FAS-skipan, um vit í Føroyum skulu hava ein altjóða handilsflota.

(Í nevndini hjá RFH sita Jens Meinhard Rasmusesn, Gunnbjørn Joensen, Hentzar Steingrímsson, Bogi P. Nielsen, Sjúrður Johansen og Álvur Højgaard (Mynd 📸 Vinnuhúsið)

Tíðindabræv

Trýst á knøttin og melda teg til okkara tíðindabræv