Aug 212 min read

Norðragøta fer at taka ímóti ferðamannaskipum

Havnin í Norðragøtu er ein natúrlig havn, sum er klár at taka ímóti fyrsta ferðamannaskipinum. Breiða víkin bjóðar ymisk ankringspláss (øll á 15m-plus dýpi) frá apríl til oktober og upp til 24 tímar.

(Mynd 📸 Cruiseeurope.com)

Ankringsplássini verða einans marknaðarførd til ferðamannaskip og kunnu avtalast frammanundan við myndugleikarnar á staðnum, sigur Astrid Johannesen, ferðavinnu- og mentanarsamskipari, sum hevur ábyrgdina av cruise ferðavinnuni hjá Eysturkommunu.

Johannesen sigur: “Vit hava ætlanir um, at Gøta skal vera eitt rannsóknarferðamál, eins og vit hava nakrar vakrar bygdir í fantastiskum landslagi at vísa okkara gestum. Harumframt eru tey lokalu sera áhugað í at vísa sína bygd, sítt heim, sín mat, sínar heimabundnu vørur og sínar kýr og seyð til gestir, sum vitja.

“Vit hugsa um hetta sum ein burðardyggan hátt at nýta ferðavinnu, har nakrir hepnir gestir kunnu vitja inn í hjørtuni á teimum lokalu, samstundis sum tey lokalu fáa pengar, møguleika at knýta sambond og góðar upplivingar afturfyri.”

Tá komið verður til Norðragøtu, eru ‘ask-me starvsfólk’ at bjóða gestunum vælkomnum. Síðani kann man velja ímillum fýra ymiskir útferðir, alt eftir hvussu veðrið háttar sær.

Millum annað hevur ein møguleika at uppliva villu nátturuna í Føroyum, sum inniber ein gongutúr oman á Leirviksfjall, umvegis eina gamla bygdaslóð, við ferðaleiðara og mati íroknað.

Til tey, sum ynskja okkurt minni fysiskt, kann skipast fyri einum túri til lokalar bygdir við søvnum, útgrevstri, lokalum, sum siga søgur og deila lokalan mat umvegis eina skræddaraseymaða víkingaleið.

– Tann kendi høvdingurin, Tróndur i Gøtu, búði fyrr í hesum økinum og næstan líkamikið hvar tú gongur, vísir ein søga ella eitt staðarnavn til hansara, sigur Johannesen.

Tíðindabræv

Trýst á knøttin og melda teg til okkara tíðindabræv