May 24, 20231 min read

JARÐFEINGI | Jarðfrøðingar hittast í Føroyum um havbotnin í Europa

Jarðfeingi er vertur fyri stórum fundi um kortlegging av evropeiskum havbotni í døgunum frá 23. til 25. mai. Fundurin er partur av verkætlanini EMODnet Geology, har eini 65 luttakarar úr yvir 30 strandalondum í øllum Evropa luttaka.

(Mynd 📸 Jarðfeingi.fo)

Emodnet hevur sum endamál at savna og vísa dátur frá havøkjum í Evropa í sambandi við havdýpi, jarðfrøði, lívfrøði og mong onnur evni. Fundurin, sum verður hildin á Hotel Føroyum, savnar jarðfrøðistovnar frá strandalondum í øllum Evropa, og fundurin snýr seg um at vísa jarðfrøðina á havbotninum, sum øll londini savna til verkætlanina.

Verkætlanin EMODnet er fíggjað av ES, og úrslit frá samstarvinum síggjast millum annað á portalinum hjá verkætlanini: https://emodnet.ec.europa.eu.

Verkætlanin hevur savnað kortini yvir havbotnin í einum teldutøkum atlassi við heitinum “European Atlas of the Seas”, har tað ber til beinleiðis at síggja dátur, sum í løtuni eru tøkar hjá øllum at síggja.

Hósdagin 25. mai fer ferðalagið ein túr til Vágarnar, Streymoynna og Eysturoynna, fyri at kunna seg um serstaka landslagið og jarðfrøðina í Føroyum.

Tíðindabræv

Trýst á knøttin og melda teg til okkara tíðindabræv