Sep 261 min read

Í dag verður World Maritime Day hátíðarhildin kring heimin.

Fyri at hátíðarhalda dagin, verða eyðkennismerki kring allan heimin, sum hava við sjóvinnu at gera, upplýst við bláum ljósi.

Fyri at hátíðarhalda dagin, verða eyðkennismerki kring allan heimin, sum hava við sjóvinnu at gera, upplýst við bláum ljósi. M.a. IMO høvuðssæti í London.

Í Føroyum fer Sjóvinnustýrið at lýsa upp høvuðssætið á Giljanesi við bláum, tá myrkrið fellur á.

Hetta plaga fleiri fyritøkur og onnur, sum fáast við sjógv og sjóvinnu í Føroyum, eisini at gera.

Hetta er eitt árligt átak hjá IMO (International Maritime Organization). Í ár verður sjóneykan sett á trygd á sjónum við evninum “Navigating the Future: Safety First!”

Við hesum leggur IMO dent á týdningin av, at framtíðar tøkni og innovatión verða sett í verk uttan at seta trygdina í vanda.

Samstundis er dagurin merkisverdur við tað, at tað í dag eru 50 ár síðan SOLAS-sáttmálin varð samtyktur. SOLAS er grundarsteinurin í altjóða reglugerð um trygd á sjónum.

(Myndir 📸 FSN)

Tíðindabræv

Trýst á knøttin og melda teg til okkara tíðindabræv