GRÁASTEIN sp/f | Uppsjóvarskip keypt til Havnar 🥳

Smápartafelagið Gráastein í Havn hevur keypt norska uppsjóvarskipið Havfisk úr Noregi fyri 65 mió. kr.

(Mynd 📸 KVF)

Havfisk eitur nýggjasta uppsjóvarskipið í føroyska flotanum. Tað er smápartafelagið Gráastein í Havn, sum hevur keypt norska uppsjóvarskipið Havfisk úr Noregi fyri 65 mió. kr.

Skipið fiskar sild fyri norsku eigararnar í løtuni, men kemur til Føroya um eina viku ella tíggju dagar, sigur Birgir Lútzen í Gráasteini.

Havfisk er bygt í 2000. Felagið hevur mannað skipið.

Ango ætlar at keypa Junior

Hitt felagið, sum fekk uppsjóvarfisk, tí tey høvdu ætlanir um at keypa skip, Ango í Vági, hevur eisini keypt skip. Ango hevur keypt Junior úr Hirtshals. Junior var fyrr Nýborg, sum var í Vági í eina tíð.

Junior er eisini frá 2000. Skipið kemur til Føroya um eina viku, og skal eita Ango.

(Mynd 📸 KVF)

---

Tíðindabræv

Trýst á knøttin og melda teg til okkara tíðindabræv

Kelda: KVF

Fylg Facebook #'s:

#BlueFaroeIslands #Sjóvinnuforum #Gráastein #Ango

Fylg LinkedIn #'s:

#BlueFaroeIslands #Gráastein #Ango