Dec 27, 20212 min read

FSN | Ársaðalfundur 2021

Ársaðalfundurin hjá Føroya Skipara -& Navigatørfelag verður á Hotel Hilton Garden inn tann 28. 12. 2021 kl 09:30. Byrja verður við innskriving og morgummati, dørurði verður kl ca 12:00

(Mynd 📸 FSN Facebook síðan. Á myndini, Annfinnur Garðalíð)

Aðalfundarinnkalling

Kæri limur,

Aðalfundurin hjá Føroya Skipara-& Navigatørfelag verður hildin, týsdagin tann 28. desember kl. 09.30, á Hilton Garden inn, Staravegur 13, Tórshavn.

§ 7 Aðalfundur 1. Aðalfundurin er hægsti myndugleiki hjá FSN. 2. Atkvøðurætt hava bert limir, ið hava goldið limagjald fyri viðkomandi ár.

Dagsskrá:

A. Val av fundarstjóra

B. Frásøgn frá formanninum um virki felagsins í farna ári

C. Framløga og góðkenning av grannskoðaðum roknskapi

D. Val av nevndarlimum

E. Val av grannskoðara

F. Ásetan av limagjaldi

G. Støðutakan til innkomin mál

H. Ymiskt

Hesaferð standa 5 nevndarlimir fyri vali. Um tú ynskir at velja við brævatkvøðu til nevndarvalið, so kanst tú venda tær til skrivstovuna, senda meyl til fsn@fsn.fo ella ringja til +298 316973.

Aðalfundurin byrjar kl. 09.30,við innskriving og morgunmati. Ein steðgur verður uml. kl. 12.00, tá atkvøðurnar frá nevndarvalinum verða taldar. Í døgurðasteðginum verður borðreitt við GÓÐUM ábiti.

Á nevndarfundi í Føroya Skipara- og Navigatørfelag tann 29. oktober 2021, varð samtykt at skipa fyri einum orðaskifti á aðalfundinum, har møttu limirnir kunnu koma til orðanna, hvør á sínum øki. Ætlanin er at seta uml. 20 min av til hetta:

1. Fiskivinnan 2. Handilsvinnan 3. SSl (FMR)

Føroya Skipara- & Navigatørfelag gleðir seg, at síggja teg á aðalfundinum. Nevndin og starvsfólk ynskja tær og tínum kæru, eini gleðilig jól og eitt av Harranum signað nýggjár og vit takka fyri stuðul og gott samanhald í 2021.

Fundurin verður hildin, sambært almennu tilmælinum í samband við Covid-19, við atliti til frástøðu, hondreinføri o.a.

Vegna Føroya Skipara- og Navigatørfelag

Annfinnur Garðalíð, formaður

Tíðindabræv

Trýst á knøttin og melda teg til okkara tíðindabræv