BAKKAFROST | Vandi fyri, at 400 fólk missa starvið

Síðani tøkugjøldini vóru broytt, er virkið á Glyvrum ikki longur kappingarført.

(Mynd 📸 KVF)

Nýggju tøkugjøldini taka grundarlagið undan virkseminum hjá Bakkafrosti á Glyvrum.

Ivasamt er um tey 300-400 fólkini á virkinum hava nakað arbeiði eftir 1. januar, sigur stjórin á Bakkafrosti.

Regin Jacobsen sigur, at síðani tøkugjøldini vórðu broytt, er virkið á Glyvrum ikki longur kappingarført. Verður givist at góðska, eru framvegis góðir møguleikar at selja laks heilsan. Regin Jacobsen sigur, at hann harmast støðuna.

Í síðstu viku spurdi Kringvarpið Høgna Hoydal, landsstýrismann, um hann fer at broyta tøkugjøldini aftur. Hann bar seg undan at svara tá. Í dag hava vit skrivað og ringt til landsstýrismannin, men tað lá ikki fyri at gera samrøðu.Hann skrivar tó, at málið verður viðgjørt politiskt í løtuni.

---

Tíðindabræv

Trýst á knøttin og melda teg til okkara tíðindabræv

Kelda: KVF.fo

Fylg Facebook #'s:

#BlueFaroeIslands #Sjóvinnuforum #Bakkafrost

Fylg LinkedIn #'s:

#BlueFaroeIslands #Sjóvinnuforum #Bakkafrost